“I gjithë procesi është i lënduar, sepse brenda secilit subjekt politik ka pasur përpjekje për ta devijuar vullnetin e qytetarëve sa i përket votave për kandidatët e subjekteve politike”, ka thënë Gashi.

Përfaqësuesi i PDK-së në KQZ ka theksuar se nuk duhet të hidhet faji te vëzhguesit nga OJQ-të. Sipas tij, data e zgjedhjeve ka qenë problematike për shkak të periudhës së fundvitit dhe festave.

“Nuk do të doja ta hidhja fajin as te vëzhguesit, e as më pak te OJQ-të, por data e zgjedhjeve ka qenë e tillë që parashikohej mungesë e mbulueshmërisë, pasi ishin festat e fundvitit. Vëzhgueshmëria ka qenë e mangët edhe nga vetë subjektet politike dhe ndoshta edhe kjo ka bërë që persona të caktuar të jenë më komodë në administrimin e zgjedhjeve. Njëra nga arsyet pse zgjedhjet nuk janë administruar si duhet ka qenë edhe koha kur janë mbajtur”, ka thënë Gashi./Periskopi/