Barcelona e ka humbur ndeshjen e parë çerek-finale kundër Atl.Madrid me rezultat 0:2.

“Katalunasit” fillimisht u ndëshkuan me karton të kuq në minutën 44-të. Mbrojtësi, Pau Cubarsi mori karton të kuq pasi bëri një ndërhyrje si lojtar i fundit, transmeton Periskopi.

Menjëherë pas këtij kartoni, Atletico Madrid shënoi. Julian Alvarez në minutën e 45-të shënoi një super gol nga goditja e lirë.

Në pjesën e dytë, Barcelona arriti të krijoi raste, por nuk shënoi.

Kur të gjithë po prisnin gol nga Barcelona, Atletico Madrid shënoi pas një kundërsulmi. Sulmuesi, Alexander Sorloth në minutën e 70-të shënoi pas një asistimi të Ruggerit.

Ndeshja kthyese është me 14 prill në Madrid, në stadiumin “Metropolitano”./Periskopi/